Vieiros

Vieiros de meu Perfil


GZ-Deportiva

Xestionado por Vieiros
RSS de GZ-Deportiva
Perderon contra Andalucía por 17-25

As mulleres da selección galega de rugbi a piques de gañar o bronce no Estatal

A pesares da igualdade e condicións coas que comezaron o encontro, as andaluzas fóronse impoñendo a partir do segundo tempo.

Redacción - 11:25 02/04/2008

As andaluzas viñan de perder en semifinais contra a selección vasca, (que finalmente gañou o campionato fronte Madrid), e loitaba polo bronce contra a nosa selección.

O partido comezou por parte de Andalucía co mesmo quince do partido anterior; por Galiza ían convocadas xogadoras do Universidade da Coruña, do Vigo RC, do CR Lalín, do Mareantes RCP e do CR Cisneros.

Principiaron de xeito moi igualado, debido ás case idénticas accións de ámbolos dous equipos, tónica que se rompeu no minuto 12 cando Galiza conseguiu abrir o marcador cun ensaio (5-0). Catro minutos despois chegaba o primeiro ensaio andaluz, que, seguido dunha carreira, facía que Andalucía cegase ao descanso indo por diante no marcador (5-10).

A pesares de que comezando a segunda parte as galegas conseguían igualar o marcador (17-17), aí quedaron os puntos todos para Galiza, mentres Andalucía seguía a facer ensaios, transformacións... e aguantando en defensa a forza das galegas.

A cousa terminou 17-25, e con medalla de bronce para Andalucía, quedando Galiza a nada de a conseguir.


Ligazóns

5/5 (2 votos)


Sen comentarios

Novo comentario

É preciso que te rexistres para poder participar en Vieiros. Desde a páxina de entrada podes crear o teu Vieiros.

Se xa tes o teu nome en Vieiros, podes acceder dende aquí: