Vieiros

Vieiros de meu Perfil


GZ-Deportiva

Xestionado por Vieiros
RSS de GZ-Deportiva
Tras anularse a última xornada por causa do vento

Echávarri e Paz fican sétimos no Mundial da clase Tornado

Os galegos, que van ir a Beixín 2008, non puideron facerse co seu terceiro título consecutivo.

Redacción - 13:15 03/03/2008
Echávarri e Paz

Echávarri e Paz

A embarcación dos galegos terminou en sétima posición no Mundial que se disputou a semana pasada en Takapuna, no Golfo Inner Hauraki (nova Zelandia), onde o exceso de vento foi marcando, día a día, as probas. De feito, a última xornada tivo que se anular por causa do mal tempo.

Echávarri e Paz finalmente non puideron gañar o seu terceiro título mundial, nunha competición que se desenvolveu por seis días con cambios continuados nas clasificacións. O tornados dos galegos comezou do mellor xeito posíbel, marcando un primeiro posto; todo un éxito posto que o neozelandés era un dos campos de regatas máis complicados que lembraban os regatistas.

Tras varias xornadas difíciles, o tándem galego ascendeu posicións e meteuse entre os dez mellores do mundo. Nunha única xornada rubiu seis postos, e quedou coa sétima posición na clasificación xeral. Con esta posición, e cos dous galegos dispostos a seguir escalando posicións, chegou a xornada final, que tivo que ser suspendida.

Despois do Mundial chega a preparación olímpica
A próxima cita de Echávarri e Paz será en augas canarias, en Palma, onde os bicampións mundiais disputarán o trofeo Princesa Sofía.


0/5 (0 votos)


Sen comentarios

Novo comentario

É preciso que te rexistres para poder participar en Vieiros. Desde a páxina de entrada podes crear o teu Vieiros.

Se xa tes o teu nome en Vieiros, podes acceder dende aquí: