Vieiros

Continúan as mortes Paquistán. Canda menos 32 mortos e 40 feridos é o saldo do ataque suicida perpetrado durante a reunión dun consello tribal na rexión de Darra Adamkhel, no noroeste de Paquistán. Segundo indicaron os líderes tribais de Zarghon Khel, o suicida fixo estalar a carga explosiva que levaba no seu corpo tras irromper na reunión.

Os feridos do ataque foron trasladados aos hospitais máis proximos, e xa se extremaron as medidas de seguridade na zona, situada no distrito de Kohat, segundo informacións de APP. Con anterioridade, a "jirga" (asemblea) decidira facer pagar multas e queimar as casas de todos os habitantes da zona que deran refuxio aos insurxentes islámicos.

O pasado 29 de febreiro, outras 40 persoas morreron noutro ataque suicida no val do Swat, nun dos atentados máis sanguentos dende a celebración dos comicios lexislativos paquistanís do 18 de febreiro.