Vieiros

Vieiros de meu Perfil


RSS de
Xerais08

Esquerda Unida recorrerá ante a Xunta Electoral se a exclúen dos debates da TVG

Reclama a participación da coordinadora nacional, Iolanda Díaz, no programa Hai Debate.

EP - 09:00 05/02/2008

Esquerda Unida (EU) esixiu este luns a súa participación nos debates electorais da TVG e ameazou con recorrer ante a Xunta Electoral se "é excluída". Así, anunciou que reclamará o respecto ao pluralismo político e social, así como a neutralidade informativa dos medios de comunicación de titularidad pública en período electoral.

Máis en concreto, EU reclamou a participación da coordinadora nacional e tenente de alcalde do Concello de Ferrol, Yolanda Díaz, no programa da televisión autonómica Hai debate! do próximo día 18; así como no previsto para o día 27, ambos os dous con temática electoral.

Ademais, considerou que a decisión de exclusión por parte do Consello de Administración da TVG responde a criterios "estritamente políticos" e á pretensión de eliminar a voz "nítida e crítica" da "única opción alternativa e de esquerda".

Por todo, EU reiterou que a súa exclusión sería "inescusábel" posto que dispón de grupo parlamentario no Congreso e porque deixaría sen representación nos debates os 32 mil galegos que "confirmaron a EU como cuarta forza política".


4,33/5 (6 votos)


Sen comentarios

Novo comentario

É preciso que te rexistres para poder participar en Vieiros. Desde a páxina de entrada podes crear o teu Vieiros.

Se xa tes o teu nome en Vieiros, podes acceder dende aquí: