Vieiros

Vieiros de meu Perfil


Máis Alá

Xestionado por Vieiros
RSS de Máis Alá
TEATRO COMPROMETIDO

Os abusos sexuais a menores, a escena en 'O agresor'

A Factoría Escénica Internacional representa a obra no Salón Teatro de Compostela o sábado 19 ás 20:30 horas e o domingo 20 ás 18:00 horas.

Redacción - 17:29 18/01/2008

Con esta peza de teatro comprometido, a FEI convida a reflexionar sobre a lacra dos abusos sexuais a menores. A montaxe presenta dous menores que sofren abusos sexuais por parte dos seus pais, e amosa a natureza inconfesable deste delito e a horrorosa naturalidade e indiferenza con que a viven os agresores. O destino que comparten lévaos a encontrarse e xuntos tentan frear os malos tratos que sofren. Os dous menores serán capaces, a partir do mero feito de nomear as atrocidades, de romper o tabú que os afogou durante toda a infancia.

Con sede en Barcelona, a Factoría Escénica Internacional é unha plataforma orientada á creación, produción e difusión das artes escénicas contemporáneas.Carme Portaceli, directora do espectáculo, encargouse da adaptación do texto do autor alemán Thomas Jonigk e Marta Carrasco colabora como directora de movemento.


0/5 (0 votos)


Sen comentarios

Novo comentario

É preciso que te rexistres para poder participar en Vieiros. Desde a páxina de entrada podes crear o teu Vieiros.

Se xa tes o teu nome en Vieiros, podes acceder dende aquí: