Vieiros

Vieiros de meu Perfil


Edición xeral

RSS de Edición xeral
O DOG publica as axudas para 2008

Só 60 mil euros da Xunta para paliar os ataques do lobo

Medio Ambiente salienta que cubrirán por primeira vez os danos producidos no gando que se cría en liberdade, mais non aclara se aumentará o persoal técnico.

Redacción - 11:35 16/01/2008

O Diario Oficial de Galicia (DOG) publicou este luns a orde de axudas para paliar os danos do lobo correspondentes a 2008. A Consellaría de Medio Ambiente salientou que cubrirán, por primeira vez dende a súa creación, en maio de 2003, os danos producidos no gando extensivo, é dicir, o que se cría en liberdade.

Porén, o departamento que dirixe o Manuel Vázquez non aclara se haberá un aumento no persoal técnico encargado de avaliar os danos, nin o grao de profesionalización deste equipo. Neste senso, tanto ecoloxistas como gandeiros reclaman que sexan expertos biólogos no lobo os que cumpran este labor e non veterinarios ou membros da Garda Civil.

O director xeral de Conservación da Natureza, Xosé Benito Reza, afirmou que a adopción deste tipo de medidas ten como finalidade conciliar os intereses dos gandeiros coa pervivencia das especies, neste caso, o lobo. Neste senso recordou que o ano pasado foi o primeiro en que se subvencionou o gando equino.

Aínda que a partida orzamentaria aumentou lixeiramente con respecto ao ano pasado, a Consellería de Medio Ambiente dispón para 2008 dun orzamento de só 60.000 euros.


Documentos

0/5 (0 votos)

Sen comentarios

Novo comentario

É preciso que te rexistres para poder participar en Vieiros. Desde a páxina de entrada podes crear o teu Vieiros.

Se xa tes o teu nome en Vieiros, podes acceder dende aquí: