Vieiros

Vieiros de meu Perfil


Máis Alá

Xestionado por Vieiros
RSS de Máis Alá
BUDIÑO, MERCEDES PEÓN E ANXO LORENZO

'Galician night' no 'Celtic Connections' de Glasgow

A música galega será a protagonista este sábado do 'Celtic Connections', un dos festivais máis importantes dos dedicados á música celta.

Redacción - 13:32 15/01/2008

Xosé Manuel Budiño, Mercedes Peón e Anxo Lorenzo subirán este sábado ao escenario do Old Fruitmarket, o vello mercado de Glasgow, para ofrecer un concerto que a organización do Celtic Connections denominou Galician Night. É un concerto moi agardado no festival, que comezará este mércores 16 e se desenvolverá até o 3 de febreiro, con máis de 250 actuacións en once escenarios.

Na web do Celtic Connections fálase da "audacia" e do "talento" de Budiño, da "voz incandescente e extraordinaria" de Mercedes Peón e da súa habilidade para mesturar estilos tradicionais e modernas influencias, o mesmo que Anxo Lorenzo, do que se afirma que pertence á excitante nova xeración de músicos que non atopa barreiras na experimentación sobre a música tradicional e contemporánea". Anxo Lorenzo actuará tamén este venres ás sete e media da tarde

O concerto comezará ás nove e media da noite do sábado e será retransmitido en directo pola Celtic Music Radio.


5/5 (7 votos)


Sen comentarios

Novo comentario

É preciso que te rexistres para poder participar en Vieiros. Desde a páxina de entrada podes crear o teu Vieiros.

Se xa tes o teu nome en Vieiros, podes acceder dende aquí:



O 'Old Fruitmarket' de Glasgow
O 'Old Fruitmarket' de Glasgow
Xosé Manuel Budiño
Xosé Manuel Budiño
Mercedes Peón
Mercedes Peón
Anxo Lorenzo
Anxo Lorenzo