Vieiros

Vieiros de meu Perfil


Máis Alá

Xestionado por Vieiros
RSS de Máis Alá
NO CONSELLO DA CULTURA

Sae do prelo o 'Anuario del Centro de Estudios Gallegos' de Montevideo

No libro recóllense os relatorios do Coloquio de Cultura Galega celebrado en agosto en Uruguai, con traballos de Ramón Villares ou Pilar Cagiao

Redacción - 11:30 28/11/2007

O profesor Carlos Zubillaga, director do Centro de Estudios Gallegos de Montevideo, presentou no Consello da Cultura Galega o Anuario 2007 da institución, que recolle os relatorios do Coloquio de Cultura Gallega celebrado o pasado mes de agosto en Montevideo.

Entre eles figuran traballos de Pilar Cagiao (Mujeres en la inmigración gallega en Uruguay) e Ramón Villares (Transición democrática e autonomía en Galicia: uns anos decisivos). Carlos Zubillaga referiuse ao "esforzo sostido" polos responsables do Centro de Estudios Gallegos e lembrou que esta iniciativa é debedora dos traballo das asociacións arxentina e uruguaia de fillos de galegos, creadas nos primeiros anos da década dos sesenta.

O Centro de Estudios Gallegos foi creado en 1996 como resultado do convenio de cooperación entre a Universidade da República e a Dirección Xeral de Política Lingüística da Xunta de Galicia.


5/5 (2 votos)


Sen comentarios

Novo comentario

É preciso que te rexistres para poder participar en Vieiros. Desde a páxina de entrada podes crear o teu Vieiros.

Se xa tes o teu nome en Vieiros, podes acceder dende aquí:



Carlos Zubillaga e Pilar Cagiao
Carlos Zubillaga e Pilar Cagiao