Vieiros

Vieiros de meu Perfil


Edición xeral

RSS de Edición xeral
PROCESO CONSTITITUÍNTE

A Asemblea de Bolivia aproba a reforma constitucional de Evo Morales

A oposición ausentouse da votación e nas rúas da cidade de Sucre producíronse graves incidentes.

Redacción - 11:50 25/11/2007

En medio dunha notábel tensión, o Movemento ao Socialismo (MAS), de Evo Morales, conseguiu sacar adiante en Bolivia unha nova Constitución Política do Estado. A asemblea política tivo que celebrarse nun cuartel militar e á mesma non quixeron acudir os deputados opositores. Finalmente estiveron presentes 138 (136 votaron a favor) dos 255 representantes saídos das urnas en 2006. Mentres se celebraba a votación producíronse fortes protestas nas que houbo graves disturbios. Nas mesmas morreu un manifestante e hai máis dun cento de feridos.

O ex presidente Jorge Quiroga, líder da oposición conservadora, considera que Morales praticou unha “manobra que deixa fóra á metade dos bolivianos” e que busca a posibilidade de ser reelixido indefinidamente. Quiroga acusa ao goberno de impoñer unha reforma constitucional coa axuda do presidente de Venezuela Hugo Chávez. Dende o goberno lembran que a nova Constitución nace dun proceso democrático e léxitimo.


4,67/5 (6 votos)


Sen comentarios

Novo comentario

É preciso que te rexistres para poder participar en Vieiros. Desde a páxina de entrada podes crear o teu Vieiros.

Se xa tes o teu nome en Vieiros, podes acceder dende aquí: