Vieiros

Vieiros de meu Perfil


Fwwwrando

RSS de Fwwwrando
Os dominios propios na rede

O goberno balear vai empregar o dominio .cat

O parlamento das Illas aprobou na terza feira o emprego do dominio catalán en todas as súas webs institucionais. Todos os partidos apoian o cambio, agás o PP.

Redacción - 12:14 21/11/2007

O pleno del Parlamento das Illas Baleares aprobou unha proposición non de lei que lle pide ao goberno que todas as webs institucionais empreguen preferentemente o dominio .cat. A proposición tivo votos favorábeis do PSIB-PSOE, da Unión Mallorquina e do Bloque por Mallorca, os tres partidos que forman parte da coalición de goberno.

Na defensa da moción, o deputado de UM, Josep Melià, dixo que o dominio Puntcat favorece a identificación cultural de todos os que falan a lingua das Illas e que se trata doutro xeito de defender a pluralidade lingüística. O PSIB-PSOE dixo que o .cat debera ser adoptado polo goberno insular, porque o catalán é a lingua materna da meirande parte dos cidadáns das Illas; e o Bloque por Mallorca recalcou que o parlamento foi unha das primeiras institucións en adoptar este dominio.

Oposición do PP

Pola contra, o deputado do PP, José Simón Gornés, acusou aos partidos de goberno de tentar implantar a ideoloxía nacionalista dicindo que o Puntcat "é unha das vitorias máis grandes do nacionalismo pancatalanista".


5/5 (3 votos)


Sen comentarios

Novo comentario

É preciso que te rexistres para poder participar en Vieiros. Desde a páxina de entrada podes crear o teu Vieiros.

Se xa tes o teu nome en Vieiros, podes acceder dende aquí: