Vieiros

Vieiros de meu Perfil


GZ-Deportiva

Xestionado por Vieiros
RSS de GZ-Deportiva
Problemas coas contas

Mouriño bótalle a culpa a Horacio Gómez da situación económica do Celta

O clube celeste debe 84 millóns. Hai dúas semanas mesmo recorría ás institucións pedindo cartos. O presidente acusa aos seus antecesores.

Redacción - 11:45 14/11/2007
Mouriño, falando no programa Desde Galicia para el Mundo / Flickr: ucb

Mouriño, falando no programa Desde Galicia para el Mundo / Flickr: ucb

Na terza feira, o presidente do Celta comparecía ante os medios de comunicación para dicir que o "Celta é viábel, economicamente", e que a actual dirección do clube que el preside, "non vai abandonar o seu proxecto: conseguir un equipo sólido no deportivo, e viábel no económico".

Nestes termos se expresaba Mouriño, após semanas de ruxerruxes sobre a inestabilidade económica do equipo, que debe, segundo os propios administradores, 84 millóns de euros.

Gastos que non aparecían e xogadores doutras épocas que non cobraron aínda
Dentro da débeda, 18 millóns correspóndenlle a Facenda, e ninguén sabía nada deles, porque, ao parecer, non aparecían en ningún balance, polo que nunca se fixo ningunha previsión de facer este gasto.

As contas 2006-2007 tamén inclúen xogadores que aparecían no balance como activos, a pesares de non pertencer ao clube dende hai tempo (coma Catanha, que aparecía como activo nas contas, cun valor de 3,8 millóns, catro anos depois de marchar do Celta).

Nos últimos meses, o clube asegura ter regularizado, ademais, a situación de todo o cadro de xogadores e atendeu as débedas rexistradas con algúns dos ex xogadores. Ao parecer, había futbolistas de épocas anteriores que aínda lle seguían reclamando cartos ao Celta, e esta débeda tampouco estaba rexistrada en ningún apuntamento contábel.

O problema principal que houbo, segundo Mouriño, é que non se corrixiron, durante anos, as observacións dos auditores, e as cousas foron quedando como están agora, cos acredores chamando á porta.

Mouriño bótalle implicitamente a culpa a Horacio Gómez
Ao terminar a súa comparecencia, Carlos Mouriño insistiu en que o actual equipo rector vai "pelexar" polo futuro do clube "dende a verdade e a transparencia" na xestión.

As contas auditadas van ser presentadas polo Consello de Administración á Xunta Xeral de Accionistas o vindeiro día 3 de decembro, e nelas, segundo Mouriño, hase reflectir fielmente o estado financeiro e patrimonial do Clube.

Segundo o presidente do Celta (quen falou, durante toda a comparecencia, da mala xestión dos seus antecesores, sen dar nomes e sen culpar directamente a ninguén), unha as solucións posíbeis que está barallando o clube é facer unha ampliación de capital, para recuperar os fondos propios, "necesarios para apoiar o proxecto deportivo". "O fútbol moderno esixe conxugar os goles e as cifras para poder afrontar o futuro con seguridade", terminou Mouriño.

Horacio Gómez cala, até que se celebre a xuntanza de accionistas
O ex presidente do Celta preferiu gardar silencio, após as declaracións de Mouriño, que o inculpan do problema económico do Celta. Tras a Xunta Xeral de Accionistas (a celebrar o 3 de decembro), Gómez ten previsto dar unha conferencia de prensa na que vai aclarar os aspectos máis escuros da súa xestión.


Ligazóns

5/5 (1 votos)


Sen comentarios

Novo comentario

É preciso que te rexistres para poder participar en Vieiros. Desde a páxina de entrada podes crear o teu Vieiros.

Se xa tes o teu nome en Vieiros, podes acceder dende aquí:



Durante a conferencia de prensa na que se explicaron aspectos fundamentais das contas do equipo
Durante a conferencia de prensa na que se explicaron aspectos fundamentais das contas do equipo
Catanha seguía aparecendo nas contas como activo, a pesar de ter marchado do clube hai tempo
Catanha seguía aparecendo nas contas como activo, a pesar de ter marchado do clube hai tempo
unha fotografía do cadro de xogadores do Celta
unha fotografía do cadro de xogadores do Celta