Vieiros

Vieiros de meu Perfil


Edición xeral

RSS de Edición xeral
Entre o 24 e o 28 de outubro

Galiza estará na maior feira musical do mundo

A Womex de Sevilla reúne as empresas e profesionais da música tradicional, étnica e de raíz máis importantes do mundo.

Redacción - 14:30 23/10/2007
Logotipo da Womex

Logotipo da Womex

Por primeira vez, Galiza estará presente institucionalmente cun stand de seu. Unha ducia de empresas integran a delegación, encabezada polo IGAEM: A Fábrica de Chocolate, Abada, Berrogüetto Producións, Falcatruada, Lonxa Cultural, Nordesía, Ouvirmos, Deica Management, Iabadabadú Festicultores, Nalgures, Promociones sin Fronteras e Zouma Records.

A delegación galega na Feira conta tamén coa presenza do director xeral de Creación e Difusión Cultural, Luís Bará, quen manterá unha reunión de traballo este venres coas empresas participantes. Diverso material impreso, audiovisual e musical, ademais dun web específico, son os recursos para espallar a nosa música nesta ocasión.

Co lema The spirit of Finisterrae, creouse un libro con información sobre Galiza e a súa música e un cedé con cancións seleccionadas por Agaphono e AGAEM. E non ha faltar unha boa mostra en directo: Marful actuará este venres para presentar o seu innovador proxecto musical.

Dende Galiza para o mundo

É a marca Galiciantunes, unha entidade creada expresamente para a proxección exterior da música galega, xa consolidada grazas ao esforzo da Consellaría de Cultura, a través do IGAEM, o noso selo identitario na feira.

A presenza en Womex é especialmente importante para a nosa produción musical, por encaixar coa denominación de músicas do mundo. Womex é o maior evento profesional e comercial neste tipo de música. O ano pasado asistiron 1.400 empresas de máis de 80 países.É xa a terceira feira á que acode este ano o sector musical galego ao abeiro do IGAEM. logo da Midem en Cannes (Francia) e a Popkomm en Berlín, a Consellaría continúa na súa liña de difusión da música galega no mundo.


5/5 (1 votos)


Sen comentarios

Novo comentario

É preciso que te rexistres para poder participar en Vieiros. Desde a páxina de entrada podes crear o teu Vieiros.

Se xa tes o teu nome en Vieiros, podes acceder dende aquí:



Emilio Rúa, cantautor que edita en Nalgures Producións, unha das últimas incorporacións
Emilio Rúa, cantautor que edita en Nalgures Producións, unha das últimas incorporacións
Marful actuará na Feira
Marful actuará na Feira