Vieiros

Vieiros de meu Perfil


Edición xeral

RSS de Edición xeral
Perigo ambiental

Máis de 40 mil especies están en perigo de extinción

Segundo a lista vermella da IUCN, en poucos anos desaparecerán un cuarto dos mamíferos, un oitavo das aves, un terzo de todos os anfibios e o 70 % das plantas.

Redacción - 14:19 15/09/2007
O 'Neophron percnopterus' tamén está en perigo de extinción / Imaxe: Bernard Castelein

O 'Neophron percnopterus' tamén está en perigo de extinción / Imaxe: Bernard Castelein

A nova lista vermella da Unión Internacional para a Conservación da Natureza (IUCN) presenta este ano máis de 40 mil especies ameazadas, 16.306 en perigo crítico, 188 máis que no ano pasado: un cuarto dos mamíferos, un oitavo das aves, un terzo de todos os anfibios e o 70 % das plantas están preto de desaparecer.

Hai xa 785 especies consideradas extintas e máis de cinco delas, cos seus últimos membros vivos, van ser incapaces de sobrevivir soas na natureza.

Por que tantas extincións?
As explicacións a esta triste tendencia, ameaza global á diversidade natural, van da destrución natural ou humana dos hábitats, á captura ilegal, ás doenzas infecciosas ou ás alteracións climáticas.

As especies ameazadas este ano
As preocupacións deste ano céntranse no gorila, en varias especies de corais das Illas Galápagos e nas algas mariñas, que forman parte desta listaxe por primeira vez. Tamén está nela o golfiño do río Yang-tzé, un crocodilo da India e o Nepal, varias especies de voitres de África e Asia, 723 novos réptis do continente americano e algunhas especies de peixes de acuario.

A única extinción declarada
O único ser vivo do que se ten constancia científica da súa desaparición é unha especie de begonia -Begonia eiromischa, que só foi vista dúas veces, en 1886 e 1898, que estaba entre as 8447 plantas ameazadas este ano.


0/5 (0 votos)


Sen comentarios

Novo comentario

É preciso que te rexistres para poder participar en Vieiros. Desde a páxina de entrada podes crear o teu Vieiros.

Se xa tes o teu nome en Vieiros, podes acceder dende aquí:



Logo da campaña da listaxe vermella da IUCN
Logo da campaña da listaxe vermella da IUCN