Vieiros

Vieiros de meu Perfil


Edición xeral

RSS de Edición xeral
INICIATIVA PARA CORRIXIR A SITUACIÓN

O presidente da Fegamp recoñece que o reparto de dedicacións é unha "auténtica feira"

Xosé Crespo cre que xa é hora de que se establezan baremos, segundo o tipo de concello e responsabilidade do cargo, á hora de fixar os soldos políticos.

Redacción - 13:02 21/07/2007
Crespo abandona no outono a Fegamp

Crespo abandona no outono a Fegamp

Xosé Crespo, presidente da Fegamp e alcalde de Lalín, asegurou este sábado que o que está a ocorrer nos concellos coas retribucións dos políticos semella unha “romaría”. O político dezao cre que chegou a hora de rematar co “libre albedrío” á hora de fixar os soldos. Crespo apunta que é preciso estabelecer baremos segundo a categoría do municipio e do grao de responsabilidade do cargo político.

O alcalde lalinense coida que con esta medida poderíase acabar cos salarios abusivos que existen en moitos municipios e “non valería así a desculpa de que pola súa actividade profesional cobraba moito máis para fixarse unha retribución máis alta, que propicia que, ás veces, o resultado sexa unha auténtica xolda”. Lembrou que coa actual lexislación un acalde dunha poboación de 5.000 habitantes pode cobrar o mesmo ou máis ca un dunha cidade.

Ademais de expoñer a proposta, o presidente da Fegamp anunciou que nos meses que lle queda á fronte desta institución vai facer xestións diante doutras administracións para abrir o debate e ver de solucionar o asunto.


3/5 (2 votos)

Sen comentarios

Novo comentario

É preciso que te rexistres para poder participar en Vieiros. Desde a páxina de entrada podes crear o teu Vieiros.

Se xa tes o teu nome en Vieiros, podes acceder dende aquí: