Vieiros

Vieiros de meu Perfil


Edición xeral

RSS de Edición xeral
Tamén en Asturias e Estremadura

Ciutadans terá unha delegación en Galiza

Anunciouno este mércores o presidente, Albert Rivera.

Redacción - 18:20 18/07/2007

Malia producírense "entre 70 e 80" baixas nas últimas semanas, Rivera afirmou que en parte débese a que moitas persoas condicionaron a súa continuidade a cambio dalgúns cargos nos órganos do partido. O presidente de Ciutadans anunciou que o seu Consello Xeral ratificará este venres a decisión do Executivo de concorrer ás eleccións xerais.

Salientou tamén que están a definir o seu programa para os comicios na Conferencia Política que ten previsto celebrar en Madrid en outubro, a primeira congregación de Ciutadans a nivel estatal, onde estarán representadas todas as agrupacións a nivel territorial que se están a constituír.

Mentres, a Secretaría de Acción Política seguirá a manter xuntanzas coas agrupacións sectoriais e outras formacións, e continuará o traballo tamén coa Plataforma Pro, creadora da asociación Basta Ya! Segundo Rivera, Ciutadans botou a andar "a maquinaria para as xerais", e prognostícalle un papel relevante para ser "a terceira" formación con carácter "nacional" do Estado.

Cambios estruturais

Na conferencia de prensa en que estivo acompañado de Maite Noya e Fernando Landecho, membros da Executiva, Rivera salientou a cantidade de afiliacións que está a ter o partido, o nacemento das tres novas delegacións e a súa confianza no crecemento de Ciutadans. Descartou a posibilidade de que Arcadi Espada e Albert Boadella o abandonen, e informou da intención de cambiar as estruturas do mesmo. En setembro inaugurarán unha sede en Madrid, onde se trasladarán varias xuntanzas do Comité Executivo e diversas secretarías e subsecretarías.


1,15/5 (13 votos)


Sen comentarios

Novo comentario

É preciso que te rexistres para poder participar en Vieiros. Desde a páxina de entrada podes crear o teu Vieiros.

Se xa tes o teu nome en Vieiros, podes acceder dende aquí: