Vieiros

Vieiros de meu Perfil


GZ-Deportiva

Xestionado por Vieiros
RSS de GZ-Deportiva
biatlón

Os novos campións estatais adestran en Lugo

Na casa gañaron Jesús Gomar e Saleta Castro o Campionato Estatal de Biatlón na categoría xúnior. Ámbolos dous corren no clube lugués Fefeme Triatlón do Miño.

Redacción - 10:47 03/07/2007
Biatlón: carreira a pé

Biatlón: carreira a pé

Os dous membros do equipo galego foron os protagonistas absolutos da terceira edición do Campionato Estatal de Biatlón, que se celebrou o domingo na vila mariñá de Viveiro. Nel participaban arredor de cen deportistas de toda Galiza, Asturias, Cantabria e Cataluña.

A Gomar, de orixe valenciá, levoulle 12 minutos e 50 segundos correr os 3 quilómetros de carrera a pé e logo nadar os 200 metros programados, poñéndose por diante do catalán Isaac López e do tamén valencián e do mesmo equipo, Francisco Javier Oficial. Adrián Vázquez, no cuarto posto, foi o galego mellor clasificado na xeral.

Á pontevedresa Saleta Castro fixéronlle falta 15 minutos e 30 segundos facer o mesmo percorrido, chegando só dous segundo por diante da cántabra Silvia García e da catalana Mireia Bossy.


0/5 (0 votos)


Sen comentarios

Novo comentario

É preciso que te rexistres para poder participar en Vieiros. Desde a páxina de entrada podes crear o teu Vieiros.

Se xa tes o teu nome en Vieiros, podes acceder dende aquí: