Vieiros

Vieiros de meu Perfil


Edición xeral

RSS de Edición xeral
24 de xuño, día internacional

Asociacións galegas únense á plataforma contra a contaminación electromagnética

O colectivo reclama o endurecemento da lexislación e a elaboración dun estudo sobre os efectos das radiacións sobre a saúde.

Redacción - 14:21 21/06/2007
Diversas asociacións protestan pola contaminación electromagnética

Diversas asociacións protestan pola contaminación electromagnética

Sete asociacións do país intégranse nunha plataforma de protesta contra a contaminación electromagnética. A agrupación está formada por case 80 colectivos, entre asociacións de veciños, afectados e ecoloxistas, e conmemorará o domingo 24 o Día Internacional da Contaminación Electromagnética.

Entre as novas incorporacións atópanse a Asociación de afectados polas antenas de Chapela, a Coordinadora de afectados pola instalación de antenas de telefonía móbil de Ourense, a Federación veciñal Roi Xordo de Ferrol, a Plataforma cidadá da Ponte de Ourense e a Plataforma contra as antenas de Vite, en Compostela.

A plataforma denuncia o “crecemento insustentábel” da contaminación electromagnética que ligan á proliferación “descontrolada” de infraestruturas eléctricas e de redes de telecomunicación. Nun comunicado, aseguran que estes dispositivos se converteron “nun problema ambiental e de saúde pública”, polo que reclaman que se desenvolva un programa de investigación pública que analice os efectos na saúde e que se cambie “en profundidade” a normativa actual para controlar o perigo que poden supoñer as ondas electromagnéticas.


4/5 (4 votos)

Sen comentarios

Novo comentario

É preciso que te rexistres para poder participar en Vieiros. Desde a páxina de entrada podes crear o teu Vieiros.

Se xa tes o teu nome en Vieiros, podes acceder dende aquí: