Vieiros

A secretaria xeral de Igualdade, Carme Adán, presentou este mércores unha nova páxina electrónica. O sitio pretende ser unha canle de comunicación permanente para as cincuenta entidades sociais que colaboran no IV Plan Integral de Apoio ás Familias.

Na web pódense ver os traballos que fixeron até o momento nas diferentes mesas sectoriais. Mais a páxina tamén esta aberta para que toda a cidadanía poida aportar ideas ao plan. Outra das novidades é que se pode atopar información actualizada de todos os recursos para a igualdade. O material está estruturado en tres grandes grupos temáticos: Promoción da igualdade, violencia de xénero e unha área específica para as familias.

Outra das novidades é que se recolle toda información existente sobre convocatorias de axudas e cursos relacionados coa igualdade. A web é accesíbel para persoas con problemas de visibilidade, xa que pode ser consultada en braille ou con navegadores de voz.