Vieiros

Vieiros de meu Perfil


Edición xeral

RSS de Edición xeral
Ante a inminente visita da secretaria de Estado

"Arquivar o 'caso Couso' é un agasallo de benvida a Condoleezza Rice"

Os Irmáns, Amigos e Compañeiros de Xosé Couso (HAC, nas súas siglas en español) din que a petición do fiscal "obedece aos desexos de agradar ás autoridades estadounidenses".

Redacción - 14:18 22/05/2007
O cámara de televisión galego, Xosé Couso

O cámara de televisión galego, Xosé Couso

Os Amigos, Irmáns e Compañeiros de Xosé Couso (HAC, nas súas siglas en español) denunciaron que a petición de arquivar o 'caso Couso', efectuada polo fiscal da Audiencia Nacional española Jesús Alonso, "é un agasallo de benvida pola próxima visita que realizará a España Condoleezza Rice, secretaria de Estado dos EUA. Segundo os HAC, Alonso actúa como "avogado defensor dos tres presuntos asasinos".

"Os HAC consideramos que a fiscalía obedece coa súa decisión aos desexos do goberno español de agradar ás autoridades estadounidenses e de reconducir unhas relacións enrarecidas polo auto de procesamento de tres dos seus militares, nos días previos á tan arelada reunión con Condoleezza Rice", sinalaron.

Recurso baseado no informe do Pentágono
Ademais, acusan o fiscal de basearse nos argumentos sostidos polo informe que elaborou o Pentágono no que se exculpaba ás súas tropas alegando "lexítima defensa".

"Habería que preguntarse se existen outros motivos que empuxaron ao citado fiscal a intentar arquivar de novo o caso Couso, reaberto trala sentenza do Tribunal Supremo, ou se prevalece algún condicionamento alleo á función que ten encomendada", afirman.


Ligazóns

4.67/5 (3 votos)

Sen comentarios

Novo comentario

É preciso que te rexistres para poder participar en Vieiros. Desde a páxina de entrada podes crear o teu Vieiros.

Se xa tes o teu nome en Vieiros, podes acceder dende aquí: