Vieiros

Vieiros de meu Perfil


Municipais07

Xestionado por Vieiros
RSS de Municipais07
“É curioso que eles mesmos acusen a un senador do PP”

Pablo Padín nega que Cacharro apoie por detrás a Terra Galega

O presidente de TG sinala que no seo do PPdeG hai moita inquedanza polos resultados en Lugo

Redacción - 14:26 30/04/2007
Xoán Gato e Pablo Padín, impulsores de Terra Galega

Xoán Gato e Pablo Padín, impulsores de Terra Galega

A precampaña polas terras luguesas está que bota fume. Esta fin de semana, a deputada popular Susana López Abella aseguraba que Cacharro Pardo estaba a manobrar con Terra Galega para restarlle apoios ao candidato do seu partido, Xosé Manuel Barreiro. López Abella sinalaba que Cacharro tería apoiado “por detrás” as listas de Terra Galega en municipios como é o caso de Chantada ou o de Sarria.

O presidente de Terra Galega, Pablo Padín, negou rotundamente calquera tipo de alianzas con Cacharro Pardo: “É curioso que eles mesmos acusen a un senador do PP. A min xa non me estraña case nada”, comentou para Vieiros. Padín subliña que prefire non entrar en polémicas e asegura que “os populares están moi acostumados a xogar suxo”.

Para Padín, todo o que está ocorrendo responde á “inquendanza” dos populares lugueses, que ven como TG foi quen de artellar listas en 19 municipios: “Nós estamos ao noso. E se eles atacan así sera porque teñen medo que lles fagamos dano”.


Ligazóns

4,25/5 (4 votos)


Sen comentarios

Novo comentario

É preciso que te rexistres para poder participar en Vieiros. Desde a páxina de entrada podes crear o teu Vieiros.

Se xa tes o teu nome en Vieiros, podes acceder dende aquí: