Vieiros

Vieiros de meu Perfil


Edición xeral

RSS de Edición xeral
Catro entidades financeiras locais reclaman 1,5 millóns de euros

Anticorrupción investiga unha fraude millonaria na Estrada

Unha empresa informática está acusada de estafar 300.000 euros a Facenda e de deixar débedas millonarias no municipio.

Redacción - 11:15 16/04/2007
A Fiscalía investiga unha presunta fraude na liquidación do IVE

A Fiscalía investiga unha presunta fraude na liquidación do IVE

A Fiscalía Anticorrupción presentou no xulgado da Estrada unha querela criminal contra un matrimonio afincado no municipio, actualmente en paradeiro descoñecido, que dirixía un grupo de empresas informáticas.

Segundo informa o diario La Voz de Galicia na súa edición do luns, a parella está acusada de cometer unha fraude na liquidación do IVE, que ascende a 300.000 euros. O matrimonio presuntamente creou en Portugal unha empresa fantasma, que emitía facturas ficticias de falsas compras para incrementar a dedución fiscal no imposto indirecto.

Varias empresas estatais afectadas
O grupo de negocios do que son propietarios quebrou hai escasas semanas, deixando débedas millonarias a bancos e provedores da Estrada e en diferentes puntos do Estado español. No municipio da comarca de Tabeirós-Terra de Montes teñen deben ao redor de 1,5 millóns de euros a catro entidades financeiras. Ademais, varias empresas do sector da informática de Madrid, Córdoba, Valencia e Bilbao tamén están afectadas.


4,75/5 (4 votos)


Sen comentarios

Novo comentario

É preciso que te rexistres para poder participar en Vieiros. Desde a páxina de entrada podes crear o teu Vieiros.

Se xa tes o teu nome en Vieiros, podes acceder dende aquí: