Vieiros

Vieiros de meu Perfil


GZ-Deportiva

Xestionado por Vieiros
RSS de GZ-Deportiva
Pereiro, cada vez máis preto do seu Tour

A Axencia Antidopaxe dos EUA autoriza a análise de todas as mostras de Landis

Un laboratorio francés comprobará se a testosterona detectada nos ouriños do corredor é de orixe exóxeno.

Redacción - 17:25 13/04/2007
Floyd Landis

Floyd Landis

Segundo informa a axencia Efe, o laboratorio antidopaxe francés de Châtenay-Malabry recibiu autorización da Axencia Antidopaxe dos Estados Unidos para analizar todas as mostras de urina de Floyd Landis recollidas durante a última edición do Tour de Francia.

Con estas novas análises, ás que se opoñen os avogados do corredor, tentarase comprobar se a testosterona detectada nunha das mostras do primeiro clasificado na proba é de orixe exóxeno. Até o momento, non se volveran a estudar cinco das mostras recollidas logo da tirada na que Landis deu positivo.

Espérase que os resultados se coñezan antes do próximo 14 de maio, data na que o ciclista terá que comparecer ante os xuíces da Axencia Antidopaxe dos EUA, que poderían ditar unha sentenza de até dous anos de suspensión para o estadounidense.

Deste xeito, de confirmarse o positivo con estas novas análises, o galego Óscar Pereiro podería ser proclamado finalmente vencedor da edición da rolda gala do 2006.


5/5 (1 votos)

Sen comentarios

Novo comentario

É preciso que te rexistres para poder participar en Vieiros. Desde a páxina de entrada podes crear o teu Vieiros.

Se xa tes o teu nome en Vieiros, podes acceder dende aquí: