Vieiros

Vieiros de meu Perfil


Edición xeral

RSS de Edición xeral
Entrevista en Gara

A ETA di ter vontade de asumir "compromisos firmes nun escenario de ausencia de violencia"

Os líderes da ETA consideran imprescindíbel que se garanta que a esquerda abertzale participará nas próximas eleccións municipais.

Redacción - 09:30 08/04/2007
Tags: ETA Gara tregua

"O proceso está neste momento bloqueado porque entre os partidos non se chegou a un acordo político", respóndelle aos xornalistas de Gara os membros da ETA entrevistados. Segundo a ETA, a responsabilidade fundamental dos obstáculos ao acordo é de PSOE e PNV.

Os líderes da ETA din que o presidente do goberno español, José Luís Rodríguez Zapatero, "non actuou con madurez diante do xesto da ETA". Segundo esixen, as chaves do proceso son a "territorialidade" e o "dereito a decidir".

Ao tempo, sinalan como paso clave a participación da esquerda abertzale nos vindeiros comicios municipais. "Non poden imaxinarse unhas eleccións sen a esquerda abertzale", advirten, "iso expresaría o fracaso do proceso".

A ETA anuncia estar disposta a "asumir compromisos firmes nun escenario de ausencia de violencia se desaparecen os ataques contra Euskal Herria". É nesa liña que se reafirman no feito público durante o anuncio da tregua o pasado 24 de marzo. Os novos compromisos incluirían "mesmo a desactivación da opción de respostas puntuais nunha situación de cesamento do fogo". "Que ninguén se engane, o noso compromiso é cun proceso que dea unha verdadeira saída democrática ao conflito", subliñan con todo.


4,5/5 (2 votos)


Sen comentarios

Novo comentario

É preciso que te rexistres para poder participar en Vieiros. Desde a páxina de entrada podes crear o teu Vieiros.

Se xa tes o teu nome en Vieiros, podes acceder dende aquí: