Vieiros

Vieiros de meu Perfil


Edición xeral

RSS de Edición xeral
Certame Gualeguaychú 2007

Imaxes por unha ría sen pasteira

Ecoloxistas ás dúas beiras do Atlántico colaboran nun certame fotográfico sobre medio ambiente convocado para alertar contra as agresións das celulosas.

Redacción - 11:15 26/03/2007

"A túa foto defende a vida!". É lema do concurso organizado na cidade arxentina de Gualeguaychú. Forma parte da ampla lista de actividades que na zona veñen xurdindo contra a instalación das fábricas de papel que Ence e Botnia proxectan desde hai anos na ribeira local, aínda que do lado uruguaio.

Para amplificar o alcance da reivindicación, os organizadores queren que o certame teña carácter internacional e una as voces de veciños doutros recantos do planeta onde se teimou coa instalación de celulosas en áreas naturais privilexiadas. É por iso que o convite a participar chegou até Galiza, desde onde a Federación Ecoloxista de Galicia e a Asociación Pola Defensa da Ría animan a unirse á idea.

Entre o xurado estarán dous galegos. Por un lado, Antón Masa, biólogo e investigador do Centro Superior de Investigacións Científicas, e presidente da Asociación Pola Defensa da Ría. Na categoría onde se convida a participar a profesionais foi convidado a estar no xurado o vigués Manuel Sendón, profesor de fotografía da Facultade de Belas Artes de Pontevedra e director do Grupo de Fotografía da Universidade de Vigo.

As fotos pódense enviar a través de internet, e o prazo de recepción remata o 20 de abril.


Ligazóns

5/5 (2 votos)

Sen comentarios

Novo comentario

É preciso que te rexistres para poder participar en Vieiros. Desde a páxina de entrada podes crear o teu Vieiros.

Se xa tes o teu nome en Vieiros, podes acceder dende aquí:



Entre as orixinais protestas contra as celulosas, Evangelina Carrozo amosou un cartaz diante dos líderes que asistían ao cumio de Viena
Entre as orixinais protestas contra as celulosas, Evangelina Carrozo amosou un cartaz diante dos líderes que asistían ao cumio de Viena
Corte da ponte de Gualeguaychu / Foto: Indymedia Arxentina
Corte da ponte de Gualeguaychu / Foto: Indymedia Arxentina