Vieiros

Vieiros de meu Perfil


Fwwwrando

RSS de Fwwwrando
Thiago Olson comezou o proxecto cando tiña 15 anos

Un adolescente estadounidense constrúe un reactor nuclear

O aparello emprega a fusión para xerar enerxía, aínda que só chega para quentar un café.

Redacción - 11:18 22/03/2007

Thiago Olson, un rapaz de Michigan, nos Estados Unidos, construíu un reactor nuclear no garaxe da súa casa. O aparello xurdiu como resultado dun proxecto científico que comezou cando tiña 15 anos.

Despois dun ano de investigación e outro de construción, Olson xa forma parte do reducido grupo de privilexiados que construíron o seu propio reactor de fusión nuclear. Porén, a enerxía que produce o aparello creado polo estudante apenas permite quecer unha cunca de café, e precisa de deuterio e 45.000 voltios de electricidade para funcionar.

Para chegar ao seu obxectivo, Olson leu libros de física avanzada e empregou a internet para atopar pezas baratas e axuda doutros afeccionados, aínda que o seu interese foi principalmente autodidacta. Agora que o reactor xa está rematado, Thiago enfróntase ao seu próximo reto: buscar praza nunha universidade; mais, co seu currículo, non lle ha resultar difícil.

A revista Popular Science, que publica a reportaxe, ofrece tamén un vídeo en que o novo científico explica o funcionamento do aparello:


Ligazóns

5/5 (1 votos)


Sen comentarios

Novo comentario

É preciso que te rexistres para poder participar en Vieiros. Desde a páxina de entrada podes crear o teu Vieiros.

Se xa tes o teu nome en Vieiros, podes acceder dende aquí: