Vieiros

Vieiros de meu Perfil


Máis Alá

Xestionado por Vieiros
RSS de Máis Alá
ÚNENSE PARA PEDIR MELLORAS NO SEU CACHÉ

Os gaiteiros da Arousa néganse a seguir sendo "músicos de segunda"

Os músicos tradicionais propoñen un prezo mínimo de 250 euros que evite as "contratacións á baixa" nas festas de verán.

Redacción - 14:02 14/03/2007
Grupo de gaiteiros nas festas de Boiro / Foto: Luís Miguel Bugallo

Grupo de gaiteiros nas festas de Boiro / Foto: Luís Miguel Bugallo

Os gaiteiros arousáns propoñen estabelecer un prezo mínimo de 250 euros por actuación. Deste xeito, pretenden evitar que se sigan a facer contratacións á baixa. Até agora, os grupos de gaitas eran os derradeiros en seren contratados para as festas, despois das orquestras, as bandas de música, as charangas e a pirotecnia.

Consideran que son tratados como grupos de segunda, pois moitas veces o seu nome nin sequera chega a aparecer nos carteis. Tamén reclaman máis medidas de seguridade nas súas actuacións e que as comisións contraten un seguro de responsabilidade civil para cubrir os posíbeis accidentes.

Na reunión que se vai desenvolver o mércores ás oito e media do serán en Vilagarcía, os grupos de gaitas pretenden facer unha fronte común por riba de rivalidades artísticas. Estarán presentes formacións de toda a comarca do Salnés e mais de Boiro e Dodro, ao outro lado da ría de Arousa.


4,75/5 (4 votos)


Sen comentarios

Novo comentario

É preciso que te rexistres para poder participar en Vieiros. Desde a páxina de entrada podes crear o teu Vieiros.

Se xa tes o teu nome en Vieiros, podes acceder dende aquí: