Vieiros

Vieiros de meu Perfil


Fwwwrando

RSS de Fwwwrando
Ofrecerá de balde este servizo online para relanzar as vendas

Sony competirá co Second Life a través da Play 3

A empresa xaponesa presentou esta semana o PlayStation Home, un entorno virtual onde os usuarios da consola poderán interactuar e xogar entre eles.

Redacción - 15:31 10/03/2007
Unha imaxe da plataforma PlayStation Home

Unha imaxe da plataforma PlayStation Home

O novo lanzamento de Sony non está a ter os resultados agardados logo de varios meses no mercado estadounidense e nipón. O xigante da tecnoloxía non quere perder o anaco do pastel da nova xeración de consolas na loita cos seus principais competidores: Microsoft coa Xbox e Nintendo coa Wii.

É por iso polo que esta semana presentaron o novo servizo online. Os usuarios da plataforma poderán crear unha personaxe coa que poderán vivir unha serie de experiencias similares ás que ofrece o Second Life, tales explorar zonas públicas, dialogar con outras persoas, levantar unha casa ou ir de compras.

A principal diferenza do servizo que ofrecerá Sony é a posibilidade de entrar co personaxe en partidas multixogador, aínda que esta característica xa a está a ofrecer Microsoft no seu servizo Xbox Live, para a súa consola Xbox 360.

A Play Station 3, que chegará a Galiza a finais de marzo, non está a cumprir as expectativas creadas no referido ás ventas. De feito, Sony, que arrasou co segundo modelo da súa consola, ocupa na actualidade o último posto da lista de vendas de consolas de nova xeración, con 2,09 millóns de unidades vendidas. A Wii xa leva cinco millóns e medio mentres que a Xbox 360 está preto dos dez, aínda que con case un ano de vantaxe nas tendas.


4,67/5 (3 votos)

Sen comentarios

Novo comentario

É preciso que te rexistres para poder participar en Vieiros. Desde a páxina de entrada podes crear o teu Vieiros.

Se xa tes o teu nome en Vieiros, podes acceder dende aquí: