Edición xeral
Orde de busca e captura para os militares imputados pola morte de Xosé Couso
O xuíz da Audiencia Nacional Santiago Pedraz ordenou este martes a captura dos tres soldados estadounidenses imputados pola morte do cámara galego de Tele 5 Xosé Couso. O 8 de abril de 2003 en Iraq, durante a invasión do exército dos EUA, membros deste corpo abriron fogo contra o hotel Palestina de Bagdad, onde se atopaban a maior parte dos xornalistas desprazados para informar sobre a guerra. Non é a primeira vez que o maxistrado dita esta mesma orde. Xa o 19 de outubro de 2005 solicitara a detención dos militares, mais a súa decisión non se puido facer efectiva logo de que a sala do penal da Audiencia Nacional arquivara a causa o pasado 10 de marzo. Segundo esta, tratouse dun "acto de guerra contra inimigo erroneamente identificado". Ademais, consideraba que o Estado Español non era competente para xulgar os soldados estadounidenses.
Finalmente, o pasado 14 de decembro, o Tribunal Supremo resolveu que a Audiencia Nacional era o tribunal competente para investigar estes feitos, xa que, segundo o primeiro, o pasaporte español de Couso "supón un plus de lexitimación" para que a xustiza española -e concretamente a Audiencia Nacional- investigue o caso. Xa que logo, dispuxo remitir a causa ao instrutor, que este martes, vía Interpol, ordeou a detención dos tres militares: o sarxento Thomas Gibson, o capitán Philip Wolford e o tenente coronel Philip de Camp.
Sen comentarios
Novo comentario
Se xa tes o teu nome en Vieiros, podes acceder dende aquí:
Máis Alá, Fwwwrando, Galego.org, GZ-Deportiva, Canal Verde, Lusofonía, Irimia, Cartafol, Murguía
RSS
| Que é Vieiros?
| Que é o RSS?
| Creative Commons
| Publicidade
| Director
| O equipo
| Contacto