Edición xeral
Máis de tres millóns de metros cadrados para a acuicultura
O obxectivo do novo Plan Galego de Acuicultura é ofrecerlle ao sector seguridade xurídica, solvencia financeira e subvencións, segundo se manifestou dende a Consellería, xa que os proxectos que se presenten ao amparo deste plan cumprirán todas as normativas ambientais e urbanísticas vixentes. Ao documento de traballo tiveron acceso este venres os representantes do sector acuícola galego, nunha xuntanza co secretario xeral e o director de Recursos Mariños da Consellería de Pesca e Asuntos Marítimos na que se lles deu a coñecer o borrador dun plan que será presentado polo miúdo no mes de marzo. No encontro explicáronse os criterios de selección das novas zonas incluídas, así como as localizacións que contempla, todas elas fóra da Rede Natura.
O novo Plan Galego de Acuicultura, substitúe ao de Parques de Tecnoloxía Alimentaria e abrangue espazos cunha superficie total de 3.360.000 metros cadrados, dos que millón e medio corresponden ás novas ubicacións seleccionadas polo goberno galego. O sector, que valorou positivamente a xuntanza e o contido do borrador, manterá novas reunións con representantes do departamento de Pesca e das consellarías de Medio Ambiente e Política Territorial antes de que finalice o mes de xaneiro.
Sen comentarios
Novo comentario
Se xa tes o teu nome en Vieiros, podes acceder dende aquí:
Máis Alá, Fwwwrando, Galego.org, GZ-Deportiva, Canal Verde, Lusofonía, Irimia, Cartafol, Murguía
RSS
| Que é Vieiros?
| Que é o RSS?
| Creative Commons
| Publicidade
| Director
| O equipo
| Contacto