Vieiros

Vieiros de meu Perfil


Edición xeral

RSS de Edición xeral
NO DÍA DA REPÚBLICA

Acto de protesta en Lalín pola pervivencia de símbolos franquistas na vila

Un grupo de máis de 30 veciños de Lalín arrincaron a placa da rúa "General Franco" como medida de protesta ante "os reiterados incumprimentos das promesas do goberno municipal" de eliminar os símbolos franquistas da vila. A continuación, os concentrados dirixíronse coa placa ao xulgado de Lalín, onde se autodenunciaron de ser os autores dese acto. Os convocantes, que elixiron o día de conmemoración da II República para a protesta, quixeron denunciar que en Lalín permanecen varios nomes de rúas "dedicados a persoeiros da dictadura", a pesar das peticións que desde hai máis de 20 anos se veñen facendo para que se retiren.

  • Anteriores: Proposta de lembranza da Segunda República no Congreso

  • - 15:26 14/04/2005
    Tags:


    0/5 (0 votos)