Vieiros

Cada acción do exército USA é garantía de millóns para os petos da empresa dirixida na década dos 90 por Dick Cheney, vicepresidente no goberno Bush. A empresa Halliburton, que é tamén acusada do desvío para as súas propias contas de fondos do programa petróleo por alimentos, fíxose con contratos multimillonarios na reconstrucción de Iraq de forma directa, sen sequera ter que pasar polos procesos públicos de licitación. Dos vencellos que atan co grande empresariado texano á adminitración Bush dá conta Michael Moore no filme que esta fin de semana se estrea en Galiza, e tamén The Halliburton Agenda, investigación de Dan Briody agora recollida en forma de libro do que o xornal inglés The Guardian publica este xoves un estracto. Poden visitar ademais o blog de Dan Briody.