Vieiros

Ademais, o titular do Ministerio de Cultura presentou os novos selos que a Fábrica Nacional de Moeda e Timbre puxo en circulación con motivo do Xacobeo 99. E xa pola tarde, Rajoy inaugurou as IV Xornadas do Voluntario Cultural.

A reunión do Consello Xacobeo contou coa presencia do conselleiro de Cultura, Jesús Pérez Varela, que actuou como vicepresidente, e do director xeral de Cooperación e Comunicación Cultural do Ministerio, Rafael Rodríguez-Ponga, na súa condición de secretario.

Actuaron como vocais polas autonomías os conselleiros de Cultura de Asturias, A Rioxa, Aragón, Navarra e Castela-León, ademais do conselleiro de presidencia e un representante do gobierno basco.

Por parte da administración central estarán presentes o director xeral de Relacións Culturais, o secretario de Estado de Cultura, o subsecretario de Fomento, o subsecretario de Medio Ambiente, e o director xeral de Belas Artes, ademais de representantes do Ministerio de Economía e de Turespaña.