Declarados indies de corazón, fan da súa música os que lle dá a gaña. Están baseados no ruído e na promiscuidade de influencias musicais. Son socios e fieis seguidores do R.C. Celta e o seu tema fala do Xabarín, que é ao que soan todos os grupos que cantan en galego, ou iso din.

A banda fórmase a principios de 2008 como vía de escape a outros proxectos paralelos dos seus integrantes. A primeira aparición pública fana na 2ª edición do Stroszek Ballroom, festival itinerante e subterráneo que se realiza principalmente en pisos particulares, que nesa ocasión estaba emprazado na planta 19 dun edificio en Riazor