De ósos e olvido feitos somos nós os enterrados
gostamos de estar tumbados xa chegou de estar de pé
Santos e pecadores dormimos lado con lado
guardamos o mesmo frio, sostemos a mesma fé

Requiescat in pace todos a dous metros baixo terra
qué importa que chegue o inverno se nos traen algunha flor
A terra pra os que a descansan esa é a nosa guerra
se nos pagan unhas misas, pra qué escoitar esa voz?
que di...

Levanta-te e anda/ dá o primeiro paso/ levanta-te e anda/ hai moito que
falar
levanta-te e anda/ non acaba o conto/ Levanta-te e anda/ todo vai empezar

Somos mudos, somos cegos, facemos ouvidos xordos,
somos agua moi pasada, non hai nada que mover,
non temos correspondencia, non recibimos visitas,
se xa todo está perdido non temos nada que ver.

Non moveremos un dedo, queremos estar tranquilos
somos honestos difuntos, é un deber a corrupción.
Somos vertebral columna da máis alta sociedade,
se así estamos contentos, por qué bailar este son?
que di...

Levanta-te e anda/ a queimar os sudários/ levanta-te e anda/ sente a pel
baixo o sol
levanta-te e anda/ fóra meigas e sapos/ levanta-te e anda/ pon a carne no
asador