A Belén Xestal e Alberto Dopico (do programa da TVG, Quen Toca?), Alberto Rivero (da Radio Galega) e o actor e humorista Roberto Vilar correspondeulles a difícil tarefa de remexer na creatividade musical desta edición 2009 e puntuar os dez temas finalistas do A Polo Ghit 2009. Cinco dos temas elixíranos eles mesmos, e os outros cinco saíran da votación popular a través do teléfono, SMS e na propia web de A Polo Ghit. Aquí os dez competidores:

• A Festa Total, de Festicultores Troupe
• Ponme unha birriña, de Rumbongo Band
• O Fillo do Mar, de A Banda Balbina
• Perfecta, de As Garotas
• Tirapalá, de Faneca Brava

• Un día puideches reinar, de Labazada
• Astronauta, de Sínefres
• Xoán, de Alumetes
• Don Quixote 2009, de Fachenda Galega
• Lonxe da praia, de Lolo Arincón

Logo do remate das votacións o pasado xoves 27, os internautas elixiron maioritariamente como o seu tema favorito deste A Polo Ghit 2009 a peza Lonxe da praia, de Lolo Arincón. En breve, o gañador final do concurso. A decisión do xurado coñecerémola ao longo da mañá deste sábado, simultaneamente no programa Extrarradio e en Vieiros.

 Comentario(s)